Kalittokai 3 [A-F]

((Originally extracted from master file ^KALI.OCP))

((Last updated on 2010 October 10th))

A [taravu]

• {KALI 3-1} aṟaṉ iṉṟi ayal tūṟṟum ampalai nāṇi um
• {KALI 3-2} vaṟaṉ nīnti nī cellum nīḷ iṭai niṉaippa um
• {KALI 3-3} iṟai nillā vaḷai ōṭa itaḻ cōrpu paṉi malka
• {KALI 3-4} poṟai nillā nōyōṭu pulleṉṟa nutal ivaḷ
• {KALI 3-5} viṟal nalaṉ iḻappa um viṉai vēṭṭāy kēeḷ iṉi

B-C-D [tāḻicai]

• {KALI 3-6} uṭai ivaḷ uyir vāḻāḷ nī nīppiṉ eṉa pala
• {KALI 3-7} iṭai koṇṭu yām irappa um ema koḷḷāy āyiṉai
• {KALI 3-8} kaṭaiiya āṟṟu iṭai nīr nītta vaṟum cuṉai
• {KALI 3-9} aṭaiyoṭu vāṭiya aṇi malar takaippaṉa

• {KALI 3-10} vallai nī tuṟappāy ēl vakai vāṭum ivaḷ eṉa
• {KALI 3-11} ol āṅku yām irappa um uṇarntīyāy āyiṉai
• {KALI 3-12} cellu nīḷ āṟṟu iṭai cērntu eḻunta maram vāṭa
• {KALI 3-13} pullu viṭṭu iṟaiñciya pūm koṭi takaippaṉa

• {KALI 3-14} piṇipu nī viṭal cūḻiṉ piṟaḻtarum ivaḷ eṉa
• {KALI 3-15} paṇipu vantu irappa um pala cūḻvāy āyiṉai
• {KALI 3-16} tuṇipu nī cela kaṇṭa āṟṟu iṭai a marattu
• {KALI 3-17} aṇi cela vāṭiya am taḷir takaippaṉa

E [taṉiccol]

• {KALI 3-18} eṉa āṅku

F [curitakam]

• {KALI 3-19} yām niṉ kūṟa um ema koḷḷāy āyiṉai
• {KALI 3-20} āṉātu ivaḷ pōl aruḷ vantavai kāṭṭi
• {KALI 3-21} mēl niṉṟu mey kūṟum kēḷir pōl nī cellum
• {KALI 3-22} kāṉam takaippa celavu